Qendra Youthact
Regional Youth Dialogue for Europe – RYDE
Një konferencë rajonale – pesë qytete – një vizion:
Beograd · Sarajevë · Shkup · Tirana · Prishtina
Fondacioni Qendra për Demokraci, në bashkëpunim me organizatat partnere nga Ballkani Perëndimor ku bën pjesë edhe Qendra Youth Act, po organizon konferencën rajonale dy-ditore “Rinia e Ballkanit Perëndimor dhe Bashkimi Evropian: Formësimi i së Ardhmes sonë të Përbashkët” të martën dhe të mërkurën, më 18 dhe 19 nëntor 2025.
Konferenca do të zhvillohet në Prostor Miljenko Dereta, Dobračina 55, Beograd, me pjesëmarrjen e njëkohshme të folësve nga studiot në Sarajevë, Tiranë, Shkup dhe Prishtinë.
- BEOGRAD – Prostor Miljenko Dereta, Dobraçina 55, Beograd
- SARAJEVË – Hotel Ibis Styles, Dzemala Bijedica 169A, Sarajevë
- PRISHTINË – Hotel Sirius, Agim Ramadani, Prishtinë 1000
- TIRANE – Xheko Imperial Luxury Hotel & Spa, Rruga Ibrahim Rugova Nr.56/H2, Tirane
- SHKUP – Hotel Solun, ul. Nikolla Vapcarov 10, Shkup
Zoom link:
Tema: Rinia e Ballkanit Perëndimor dhe BE-ja: Formësimi i së Ardhmes sonë të Përbashkët
Join Zoom Meeting
https://us02web.zoom.us/j/86795198765
Meeting ID: 867 9519 8765
Qëllimi i konferencës është t’u ofrojë të rinjve, organizatave të shoqërisë civile, vendimmarrësve, ekspertëve dhe palëve të tjera të interesuara nga Ballkani Perëndimor një mundësi për të prezantuar prioritetet dhe sfidat me të cilat përballen të rinjtë në procesin e integrimit evropian. Ajo synon të inkurajojë mirëkuptimin e ndërsjellë dhe të nxjerrë në pah praktikat e mira si nga Ballkani Perëndimor ashtu edhe nga Bashkimi Evropian.
Konferenca synon të forcojë zërat e të rinjve në nivel lokal, kombëtar, rajonal dhe evropian, duke nxitur dialogun mbi reformat që ndikojnë te brezi i ri.
Konferenca dy-ditore do të përfshijë pesë panelet e mëposhtme:
I Ura drejt Evropës: Rinia e Ballkanit Perëndimor në Proceset e Reformës
II Punësimi i të Rinjve në Epokën e Inteligjencës Artificiale: Garancia e të Rinjve në Ballkanin Perëndimor – Sfidat dhe Mundësitë?
III Mirëqenia e të Rinjve në Fokus: Shëndeti, Strehimi, Kultura
IV Rinia në Peizazhin Dixhital: Siguria, Besimi dhe Rezistenca
V Rinia dhe Natyra: Një Partneritet për një të Ardhme të Gjelbër të Qëndrueshme
AGENDA >>> (PDF)
Konferenca organizohet në kuadër të projektit “Dialogu Rajonal Rinor për Evropën” (2023–2026), i mbështetur nga Bashkimi Evropian dhe i zbatuar nga Fondacioni Qendra për Demokraci në bashkëpunim me organizata partnere nga Ballkani Perëndimor.