sqen

Të rinjtë dhe varësitë nga teknologjitë: domosdoshmëria vs argëtimi

Më datë 04.10.2023 u zhvillua debati i parë i hapur me temë: “Të rinjtë dhe varësitë nga teknologjitë: domosdoshmëria vs argëtimi” në Universitetin Barleti. Pjesëmarrës ishin 81 të rinj, punëtorë të rinj por edhe të rinj të papunë. Ekspertja znj. Elda Mamoci si dhe moderatorja e këtij aktiviteti hapi një diskutim me të pranishmit mbi domosdoshmërinë e teknologjisë. Sa të rinj e përdorin vërtet për gjëra të rëndësishme dhe sa të tjerë e përdorin vetëm për argëtim. Eksperti theksoi alarmin që është ngritur në përgjithësi për keqpërdorimin e teknologjisë, veçanërisht nga brezi i fëmijëve dhe të rinjve. Teknologjia shpesh është kthyer në burim rreziku për mirëqenien psiko-emocionale të të rinjve dhe mediat në shumë raste kanë dhënë alarmin. Të rinjtë pjesëmarrës identifikuan raste në të cilat teknologjia i ka ndihmuar vërtet të kryejnë detyra apo punë të tjera, por gjithashtu kanë pranuar hapur se një pjesë e mirë e tyre e përdorin atë për t’u argëtuar.

Projekti BeWell@DIGITAL ka për qëllim përmirësimin e statusit të shëndetit mendor për të rinjtë nga Shqipëria, Mali i Zi, dhe Bosnje Hercegovina, duke fuqizuar të rinjtë për të rritur aftësitë në rutinën e edukimin dixhital dhe zhvillimin e karrierës, krijimin e shërbimeve mbështetëse të këshillimit për shëndetin mendor dhe ngritjen e kapaciteteve dhe mundësive të reja të punësimit në arenën dixhitale të punësimit.
Ky projekt mbështetet nga Bashkimi Evropian përmes programit ErasmusPlus, dhe zbatohet nga një konsortium i drejtuar nga International Youth Health Organization  dhe partnerët: Qendra Youth Act, PRONI, CAZAS, Epistimoniki Etaireia Vioiatrik is Pliroforikis kai Plirofikis Ygeias – GBHI si dhe Institute of modern technology Montenegro.