Hiking | Kukës – Bjeshka e Terfojës

Aktivitete në terren – Kukës
Promovimi turistik dhe të eksplorimi real

Itinerari – Kukës – Fshati Fshat – Mulliri i vjetër – Ura e fshatit – Xhamia — Kroi i Bardhë – Bjeshka e Terfojës.

Në zbatim të projektit “Të rinjtë për turizmin e aventurës”, financuar nga Bashkimi Evropian dhe mbështetur nga Programi i Kombeve të Bashkuara për Zhvillim (UNDP), i cili synon të mbrojë e të zhvillojë destinacionet turistike të bashkisë Kukës duke promovuar turizmin e aventurës si një trend për të rinjtë dhe jo vetëm, u zhvillua aktiviteti hiking me destinacion Kukës – Fshati Fshat – Mulliri i vjetër – Ura e fshatit – Xhamia — Kroi i Bardhë – Bjeshka e Terfojës.
Nën udhëheqjen e Stafit të Qendrës Youth Act si dhe Koordinatores lokale Kukës Znj. Ervisa Toda 15 të rinj, përfaqësues të Këshillit Rinor Kukës dhe gjimnazit “Havzi Nela”, u informuan mbi elementët karakteristikë të këtij itinerari që duhen promovuar edhe më tej për vlerat e tyre lidhur me trashëgiminë kulturore, natyrore, historike e kulinare si vijon:

Fshati Fshat shtrihet ndërmjet dy lumenjve qe derdhen ne Drinin E Zi. Si fshati Fshat si Grykë Caja janë vende mjaft te pasura si nga ana kulturore ashtu dhe natyrore.
Këto zona kanë vegla të ndryshme muzikore si fyelli, çiftelia, lodra etj. Po ashtu dhe vallet e këngët nuk mungojnë. Banorët janë shumë mikpritës dhe bujarë.
Në këtë itinerar gjejmë dhe elemente te tjera kulturore siç është xhamia e fshatit, ura dhe mulliri i fshatit të cilat dëshmojnë për pasurinë e trashëgimisë natyrore e historike.
Kroi i Bardhë mbetet jo vetëm një destinacion i preferuar nga turistet e huaj por edhe një vend me vlera të rralla kurative, pasi ndikon në shërimin e disa sëmundjeve të ndryshme. Kroi i Bardhë frekuentohet prej më se 25 vjetësh nga vizitorë, pushues të shumtë, gjatë muajve të verës, megjithëse ende nuk ka kushte dhe infrastrukturë të përshtatshme. Gjithnjë është folur për rëndësinë e një investimi në këtë pikë turistike të rrallë, që nënkupton ndonjë kamping, hotel e mjedise të tjera për frekuentuesit, por deri sot nuk është realizuar diçka e tillë.

Ky aktivitet do të pasohet edhe nga itinerare të tjera të promovimit turistik dhe të eksplorimit real, ku të rinjtë e bashkisë Kukës do të jenë promotorë të këtyre destinacioneve.