Të luftojmë bullizmin nëpërmjet aktiviteteve sportive”

Youth Act Center në bashkëpunim me Federatën Shqiptare të Sportit Shkollor, në datat 5,7 dhe 13 Dhjetor  zhvilloi aktivitetet sportive në kuadër të projektit të financuar nga GIZ “ Të luftojmë bullizmin nëpërmjet aktiviteteve sportive”.

Pas takimeve ndërgjegjësuese në të tre gjimnazet e Tiranës te përfshira në projekt : Shkolla “Çajupi”, “B.Sykja”, “S.Prosi”, startuan aktivitetet sportive me qëllim gjithëpërfshirjen e nxenesve. Loja sëbashku në skuadra forcoi vetëvlerësimin dhe besimin në aftësitë e secilit nga nxenesit, kjo dhe përmes suksesit të përbashkët.

 

Nëpërmjet ndarjes së përgjegjësisë nga cdo pjesëmarrës në lojë drejt qëllimit të përbashkët për të fituar lojën, pjesëmarrësit  mësuan jo vetëm të jenë pjesë e një skuadre, por dhe se si të trajtojnë përgjegjësitë sociale.

 

Në datë 5 Dhjetor u zhvillua aktiviteti i parë sportiv, në palestrën e shkollës 9-vjecare Hasan Tahsin, ku morën pjesë nxënësit nga të tre shkollat e përfshshira në projekt sëbashku me nxënësit e shkollës pritese “H.Tahsin”. Ekspertët e sportit nga Federata Shiptare e Sportit Shkollor organizuan lojra të  shpejta, basketboll, frisbee.

 

Në datë 7 Dhjetor u zhvillua aktiviteti i dytë sportiv, në palestrën e shkollës 9-vjecare Qazim Turdiu, ku përvec shkollave të perfshira në projekt morën pjesë dhe nxënës nga shkolla pritëse Q.Turdiu. Gjithashtu të ftuar dhe nxënës nga shkolla Ismail Qemali për të bërë  tournamente në basketboll midis shkollave.

 

Aktiviteti sportiv përmbyllës u zhvillua në Parkun Sportiv të Liqenit. Ky aktivitet u zhvillua dhe me ndihmën e Agjensisë së Parqeve dhe Rekreacionit, të cilet vunë në dispozicion fushat dhe të gjithë elementët e tjerë mbështetës.

 

Një event i përmasave të mëdha, ku u zhvilluan lojra të ndryshme të shpejta. Ndeshje  volejbolli dhe basketbolli ndërmjet shkollave. Tournamente të vogla në futboll me topa të madhësive të ndryshme. Dhe një finale në Frisbee.

Në këtë projekt u përfshinë 250 nxënës.