Shkëmbim Rinor – Street Talk: Walls vs. Walls

call-for-participationJeni gati për të thyer barrierat nëpërmjet krijimtarisë tuaj?

Ministria e Mirëqenies Sociale dhe Rinisë dhe Shërbimi Kombëtar për Rininë në bashkëpunim me organizatën rinore Talk. France dhe Zyrën Franko-Gjermane për Rininë kanë kënaqësinë të hapin thirrjen për shkëmbimin rinor “Walls vs. Walls” me pjesëmarrës nga Shqipëria, Franca dhe Gjermania.

Ky exchange është një mundësi unike për të gjithë artistët e rinj të moshave 18 – 30 vjeç për të shkëmbyer eksperiencat e tyre nëpërmjet diskutimeve, debateve dhe krijimitarisë artistike. Të përzgjedhurit do të kenë mundësinë të marrin pjesë në tre uorkshope një javore, të cilat do të zhvillohen gjatë vitit 2016-2017, respektivisht në Paris (Shtator 2016), Tiranë (Dhjetor 2016) dhe Berlin (fillimi i 2017). Të përzgjedhurit, do të punojnë së bashku duke bashkërenduar fuqinë e artit me tema të ndjeshme si: ‘Liria e Lëvizjes’ dhe ‘Liria e Fjalës”.

Nëpërmjet aktiviteteve që do të zhvillohen, Walls vs. Walls ka për qëllim ndërthurjen e artit vizual me tematika aktuale për të rinjtë e tre vendeve. Muri është simbol i barrierave që hasim çdo ditë në përpjekjet tona për një rini më aktive. Arti dhe talenti janë mjetet më demokratike për të rrëzuar muret që na largojnë.

Për më shumë informacione, klikoni linkun më poshtë.

Aplikimet janë të hapura deri më datë 5 Qershor 2016.

https://talkfrance.wordpress.com/call-for-participation/