Konkursi i Letërsisë mbi veprën e autorit francez Viktor Hygo “Të mjerët” | Elbasan

Në datën 06 qershor 2019, në mjediset e Bibliotekës së Qytetit të Elbasanit u zhvillua faza rajonale e Konkursit të Letërsisë mbi veprën e autorit francez Viktor Hygo “Të mjerët”. Në këtë konkurs garuan gjashtë skuadra, që përfaqësonin gjimnazet e qytetit të Elbasanit, “Dhaskal Todri”, “Ahmet Dakli”, “Vasil Kamami”, “Kostandin Kristoforidhi”. Nxënësit e të gjitha skuadrave dëshmuan seriozitet në studimin e kësaj vepre që përfaqëson një prej arritjeve më të mëdha në fushën e letërsisë botërore, por në përfundim të fazës finale të këtij konkursi me garuese skuadrat nga gjimnazi “Kostandin Kristoforidhi” dhe “Ahmet Daklit” u shpall fituese skuadra e paraqitur nga shkolla “Ahmet Dakli”.

Ky konkurs u zhvillua në kuadër të projektit “Të promovojmë të drejtat e fëmijëve dhe të të rinjve përmes kryeveprave të letërsisë”. Projekti zbatohet nga Qendra Youth Act, i financuar nga Bashkimi Europian dhe me mbështetjen e World Vision in Albania and Kosovo dhe South East European Youth Network.