Konkursi Letrar mbi veprën e Viktor Hygo “Të mjerët” | Tiranë

IMG-20190608-WA0094

Në datën 08 qershor 2019, në mjediset e vëna në dispozicion nga SHLUJ “Universiteti Marin Barleti”, u zhvillua në Tiranë faza rajonale e Konkursit Letrar mbi veprën e Viktor Hygo “Të mjerët” me skuadra finaliste, skuadrën e gjimnazit “Ismail Qemali” dhe shkollës së mesme jopublike “Ernest Koliqi”. Nxënësit e skuadrave finaliste zhvilluan një ndeshje të shkëlqyer, duke dëshmuar njohuri të gjera jo vetëm mbi veprën por edhe mbi shumë prej konteksteve historiko-shoqërore që përbëjnë pëlhurën mbi të cilën janë derdhur motivet e romanit. Në përfundim të kësaj finaleje, skuadra e paraqitur nga gjimnazi “Ismail Qemali” u shpall fituese.

Ky konkurs u zhvillua në kuadër të projektit “Të promovojmë të drejtat e fëmijëve dhe të të rinjve përmes kryeveprave të letërsisë”. Projekti zbatohet nga Qendra Youth Act, i financuar nga Bashkimi Europian dhe me mbështetjen e World Vision in Albania and Kosovo dhe South East European Youth Network.

IMG-20190608-WA0101