Dhurohen 200 Karta Rinore në qytetin e Korçës

 

Ditën e shtunë, datë 8 prill 2017, u zhvillua në Korçë, në shkollën “Raqi Qirinxhi”, aktiviteti “Ditët e Hapura të Shkollës Qendër Komunitare”.Pjesë e projektit IADSA “Shkolla Qendër Komunitare”, në bashkëpunim me Institutin Shqiptar për Çështjet Publike dhe me mbështetjen e Ministrisë së Arsimit, shkolla “Raqi Qirinxhi” hapi dyert e saj për komunitetin, për prinderit dhe për nxënësit e rinj e të vjetër.Me pjesëmarrjen e veçantë të zv.kryeministrit z. Niko Peleshi.Të ftuarit u pritën nga nxënësit e shkollës të organizuar në grupe “guida” dhe ata i udhëhoqën për të vizituar ambjentet e rinovuara e të pajisura më mjete si palestra apo me kompjuter në qëndrën burimore. Të ftuarit të shoqëruar nga nxënësit, ndalën në klasat me aktivitete, në bibliotekë, në Muzeun e kësaj shkolle me histori të gjatë në fushën e arsimit. Një sërë aktivitetesh u zhvilluan edhe në oborrin e shkollës ku luajtën disa ndeshje sportive, sikurse ndeshje spontane në ping-pong, shah, etj

Konferenca në sallën e qëndrës burimore u hap nga fjalimi i drejtoreshës znj. Keti Qirinxhi e me rradhë përshëndetën pjesëmarrësit, Kryetari i Bashkisë Korçë Z. Sotiraq Filo, përfaqësues nga komuniteti i prindërve, ish nxënës, etj. I pranishëm në këtë aktivitet zv.kryeminisitri i shtetit z.Niko Peleshi, përgëzoi punën e mirë dhe iniciativat e bukura të ndërmarra nga nxënësit dhe mësuesit e shkollës Raqi Qirinxhi, si model për Korçën dhe për shkollat në gjithë Shqipërinë.

Në mbyllje të aktivitetit u dhuruan 200 Kartat Rinore Evropiane për nxënësit e shkollës, të mundësuara nga projekti IADSA “Shkolla Qendër Komunitare”, të vlefshme në shqipëri dhe 37 vënde të Evropës, për të gjithë të rinjtë e moshës 14-30 vjeç.

Për të ftuarit dhe nxënësit, u shtrua një bufe.